Partia Demokratike e Kosovës bëhet gati për një përçarje në rradhët e saj. Përplasjet në opinion ka kohë që kanë filluar, por ende nuk ka ndodhur ajo që pritet, shkruan "Bota Sot", sipas së cilës nuk janë vetëm deputetët ata që do të fillojnë ta braktisin një nga një apo në grup PDK-në.
Sipas asaj që raporton e përditshmja kosovare, në Lëvizjen Vetëvendosje fillimisht këtë kalim do ta bëjë një këshilltare e PDK-së në Kuvendin Komunal të Prishtinës.
SHIK-u apo PDK me sukses ia arriti që ta ngufasë LDK-në, dhe në përkrahje me disa miq ndërkombëtar dhe me një dorë ndihme nga AAK-ja, ia dolën që ta krijojnë shpërthimin e madh, "bing bang-un" politik në Lëvizjen e krijuar nga figura historike Ibrahim Rugova.
Shpërthimi krijoi dy parti politike, LDK-në dhe LDD-në, ndërsa ai që nuk kishte pushtetin (LDD) me kohë do të rrëgjohej në një parti minore. Natyrisht edhe rrëgjimi apo tkurrja e saj drejt shuarjes ishte me skenarë, por të cilin e përmbushi mjaft mirë kreu i saj, akademik Nexhat Daci.
Por, duket skenari të ketë pasur edhe një ndikimin universal, ai po kthehet në një itinerar të pashmangshëm për vetë PDK-në. Përplasjet në opinion ka kohë që kanë filluar, por ende asgjë nuk kemi parë të shembet, sipas këtij 'oguri' të mbjellur nga vetë ata.
No comments:
Post a Comment